Онон голын сав газарт” Хүрээлэн байгаа орчны эсрэг гэмт хэрэг, зөрчлөөс урьдчилан сэргийлэх, бууруулах, түүний илрүүлэлтийг сайжруулах нь” зөвлөгөөн зохион байгуулагдлаа

Дэлхийн зэрлэг амьтан, ургамлын /жил бүрийн 3-р сарын 3/ өдрийг угтан Хэнтий аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Байгаль орчин, аялал жуулчлалын газар, Биндэр сумын ЗДТГазар, Дэлхийн байгаль хамгаалах сангийн Монгол дахь хөтөлбөрийн газар хамтран Онон голын сав газарт” Хүрээлэн байгаа орчны эсрэг гэмт хэрэг, зөрчлөөс урьдчилан сэргийлэх, бууруулах, түүний илрүүлэлтийг сайжруулах нь” зөвлөгөөнийг 2018 оны 3-р сарын 2-ны өдөр Биндэр суманд амжилттай зохион байгууллаа.

Зөвлөгөөнд  Хэнтий аймгийн Гэмт хэргээс урьдчилан сэргийлэх ажлыг зохицуулах салбар зөвлөл гишүүн байгууллагууд болох Байгаль орчин, аялал жуулчлалын газар, Шүүх, Прокурор, Цагдаагийн газар, Мэргэжлийн хяналтын газар болонХилийн 0287 дугаар анги,  Хан Хэнтийн дархан цаазат газрын хамгаалалтын захиргаа, Онон Балжийн байгалийн цогцолборт газрын хамгаалалтын захиргаа, Дэлхийн байгаль хамгаалах сангийн Монгол дахь хөтөлөрийн газар, Онон голын сав дагуух Батширээт, Биндэр, Дадал, Норовлин, Баян-Адарга сумдын удирдлагууд, Онон голын загасчдын холбооны гишүүд буюу нийт 50 гаруй оролцогч оролцлоо.

                                           Уулзалтаар оролцогч талууд Онон голын сав газарт хүрээлэн буй орчны эсрэг гэмт хэрэг,зөрчил, ялангуяа хууль бус агнуураас урьдчилан сэргийлэх, түүний илрүүлэлт, шийдвэрлэлт, тухайн чиглэлээр төрийн байгууллагуудын баримталж буй бодлого, чиглэлээр мэдээлэл солилцон  2018 онд энэхүү чиглэлээр хамтран ажиллах төлөвлөгөөг боловсрууллаа.